Kvenréttindafélag Íslands stofnað.

hallveigarstadir27.janúar 1907 var Kvenréttindafélag Íslands stofnað á Þingholtsstræti 18, heimili Bríetar Bjarnhéðinsdóttur. Bríet átti frumkvæði að stofnun þess. Hún var fyrsti formaður félagsins og átti mestan þátt í að semja lög þess. Aðdragandi stofnunar félagsins var sá að eftir ferð Bríetar um Norðurlönd sumarið 1904 hóf hún bréfaskriftir við Carrie Chapman Catt (1859-1947) stofnanda  International Woman Suffrage Alliance (IWSA) (ísl. Alþjóðakosningaréttarsamtök kvenna). Árið 1906 þáði Bríet boð um að mæta á þing IWSA í Kaupmannahöfn og ákvað í kjölfarið að stofna Kvenréttindafélag Íslands.

Í 2. gr. fyrstu laga félagsins segir að tilgangur félagsins sé:

að starfa að því að íslenskar konur fái fullt stjórnmálajafnrétti á við karlmenn, kosningarétt, kjörgengi svo og rétt til embætta og atvinnu með sömu skilyrðum og þeir

Stofnendur félagsins voru eftirfarandi:

  • Bríet Bjarnhéðinsdóttir (1856-1940) Formaður 1907-1927
  • Sigríður Hjaltadóttir Jenson (1860-1950)
  • Ingibjörg Þorláksson (1878-1970)
  • Kristín Vídalín Jacobson (1864-1943)
  • Guðrún Björnsdóttir (1853-1936)
  • Guðrún Pétursdóttir (1878-1963)
  • Ingibjörg Guðbrandsdóttir (1878-1929)
  • Elín Matthíasdóttir (1883-1918)
  • Sigríður Björnsdóttir (1879-1942)
  • Jórunn Guðmundsdóttir  (1856-1916)
  • Guðrún Daníelsdóttir (1870-1945)
  • Margrét Stefánsdóttir (1873-1940)
  • Þórunn Pálsdóttir (1877-1966)
  • Laufey Vilhjálmsdóttir (1879-1960)
  • Guðrún Aðalsteinsdóttir (1885-1959)

Félagið er enn starfandi og eru ein elstu félagasamtök Íslands. Félagið er til húsa í Kvennaheimilinu Hallveigarstöðum við Túngötu 14.

Ítarefni: